CERITA TEGALAN Akhir Pekan, Wong Sugih Gemerah Bae'

- Sabtu, 21 Mei 2022 | 15:59 WIB
Mohammad Ayyub (dok)
Mohammad Ayyub (dok)

AYOTEGAL.COM - Kayong entong nang uteke' Bujang nduwe sedulur sugih gemerah bae. Ora kena weruh duit. Maring duit matane' ndadak ijo. Ora sing setitik sepuluh jutanan apa maning sampe' atusan juta bisa weruh. Pancen wong siji kiye' ari kanda duit bisa weruhan.

Kayadene' Curut Lemah bisa weruh panggonan panganan gondi bae' najan adoh. Gelem dolan pisan kala ana maksud,ana urang sewalike' watu. Ana sing dicecer yakuwe cut. Mbuh cut warisan apa cut olih waledan. Pokoke' ora kena krungu cut 

Cut ndeke' sedulur brayah sapa bae' diuber. Tur mercekane' nggawe gumun. Kaya wong kena pelet. Manise' manis madu wong bisa enteng pasrah bongkokan. Disuyad sih ora basane' duit dititipna menko olih angpo.Mung anjoge' bati melasi wong angpone' sering ora genah. Tapine' moni ora olih akehe' ora kolu.

Baca Juga: Launching New Experience DIGI by bank bjb Menuju Superapps Dengan Fitur Baru Dan DIGI Loan

Bujang nglegleg dewek ndeleng sedulur model kaya kuwe. Kayong pengrasa ora nduwe syukur, ora ngajeni awake' dewek. Lha iya ning soten konsekwen karo janjine' dewek. Seringe',sakrungune' Bujang ora tepat waktu. Seringe' mencrit. Karuan sih sampe' tatas tapine' bundas.

Bundas kanggo sing nyekel duit. Pengrasa nembe nyekel duit glondongan seumur-umur. Eh ! ketekan menungsa wanyad. Melune' olih otil. Gelem nyorok tapine' ora gelem kecorok. Mbalekenane' mencirit alias nyicil. Akhire' kanggo sing nyekel duit entong mipil. Sing diimpen-impen pengin nduwe umah kabur kegawa angin.

"Ana yah nang dunya wong model kaya kiye'",Bujang mbatin. Ari wong kere' kayong radan macem. Lha wong siji kiye' bandane' akeh. Dideleng sing nyawang katone' kayong kurang bae'. Nggragas !
" Senenge' es sih dadi gelis ngorong. Tambah nginung ese' tambah gelis ngorong. Terus kaya kuwe ora pragat-pragat". Pribasane' kaya kuwe miturut Bujang.

Misal dibanding Bujang sedulur siji kiye' mestine' ora kurang-kurang. Umah be telu,mobil ana loro,tempat kasabe' komplit payu. Ora kur siji tok malah ana rong tempat. Durung usaha kos-kosan ana 10 kondong. Motore' ijen-ijen kanggo deweke',bojo lan bocah-bocah. Durung karyawane' uga pirang-pirang.

Disawang sedulur-brayah kayong moncer dewek. Ibarate' kena kanggo playon sedulur sing susah. Asale' Bujang ora percaya barang ngalami dewek nembe percaya. Maksude' nang awale' katon apik bud-budan akhire' ngoloh jentik.

Bujang tau ngalami dewek. Nalika deweke' keder gawean . Sedina-dina kayong ora kepenak ora nyambet gawe'.Ora kepengin nyadong bae' maring Mane'. Tulisan sastra utamane' puisi Tegalan durung bisa go penguripan.
Critane' Bujang ngrewangi sedulur wanyad kiye'.

Halaman:

Editor: Dwi ariadi

Tags

Artikel Terkait

Terkini

CERITA TEGALAN Akhir Pekan, Tilik

Minggu, 27 November 2022 | 17:50 WIB

CERITA TEGALAN Akhir Pekan, Sinoman

Minggu, 20 November 2022 | 14:17 WIB

CERITA TEGALAN Akhir Pekan, Adat

Minggu, 13 November 2022 | 17:22 WIB

CERITA TEGALAN, Tetirah

Minggu, 6 November 2022 | 13:58 WIB

CERITA TEGALAN, Kangen

Minggu, 30 Oktober 2022 | 18:58 WIB

CERITA TEGALAN Akhir Pekan, Pengin Temon

Minggu, 23 Oktober 2022 | 16:42 WIB

CERITA TEGALAN Akhir Pekan, Plesir Dewekan (3-Tamat)

Minggu, 16 Oktober 2022 | 13:45 WIB

CERITA TEGALAN Akhir Pekan, Plesir Dewekan (2)

Minggu, 9 Oktober 2022 | 13:36 WIB

CERITA TEGALAN Akhir Pekan, Plesir Dewekan (1)

Minggu, 2 Oktober 2022 | 16:28 WIB

CERITA TEGALAN Akhir Pekan, Ketemu Maning (2)

Sabtu, 24 September 2022 | 17:34 WIB

CERITA TEGALAN Akhir Pekan, Ketemu Maning (1)

Sabtu, 17 September 2022 | 14:00 WIB

CERTA TEGALAN Akhir Pekan, Glendengane' Wong loro

Minggu, 11 September 2022 | 16:57 WIB

CERITA TEGALAN Akhir Pekan, Plesir

Minggu, 4 September 2022 | 15:47 WIB

CERITA TEGALAN Akhir Pekan, Negeri Fir'aun

Minggu, 28 Agustus 2022 | 16:39 WIB

CERITA TEGALAN Akhir Pekan, Tilik Manene

Minggu, 14 Agustus 2022 | 16:00 WIB

CERITA TEGALAN Akhir Pekan, Mane' Kelangan

Sabtu, 6 Agustus 2022 | 15:50 WIB

CERITA TEGALAN Akhir Pekan, Ketemahan

Sabtu, 23 Juli 2022 | 15:11 WIB
X