CERITA TEGALAN Akhir Pekan, Batuk Klimis (1)

- Sabtu, 28 Mei 2022 | 18:45 WIB
Mohammad Ayyub (dok)
Mohammad Ayyub (dok)

AYOTEGAL.COM - Melune' kegolong model menungsa ora kena weruh wadonan. Gampang cintrong maring wong wadon. Ora wong wadon dewekan apa esih bojone' uwong. Pokoke' hampad bae atawa diuber kosih kecandak. Arane' be tukmis ari wong kanda tukmis maksude' gampang demen.

Ajibe akeh wong wadon sing klepek-klepek kena rayu gombale'. Ora sing esih ana bojone' apa maning egin prawan ting-ting. Bisa kaya kena sirep mbuh bab cangkeme' gawe gumun apa sebab tampilane' klimis ? Bisa sebab loro-lorone' bisa uga salah sijine' lan bisa bae salah kabeh. Genahe' akeh wong wadon dadi korbane' sadar mbuh ora sadar.

Jare' sih salah sijine' kelemahan wong wadon ning ora nang kuping uga nang mata. Kuping sering ketipu sebab umas-umise' lambe'. Yen mata gampang gumun maring sing katon mata. Misal teka apele' nganggo mobil nyilih mboran. Sepatu,jam sampe klambine katon klimis,serba kanyaran. Ora weruwa jebul olih nyilih paling banter ndean olih nyewa.

Baca Juga: Kota Tegal Pentaskan 2 Dalang Kakak Beradik Anak Ki Enthus Susmono, Sosialisasi DBHCHT Jateng

Ana maning crita Batuk Klimis kuwe melune' wong ora sebaene'. Utamane' gon ukara napsu. Jare kegeden napsune'. Mbuh bener mbuh ora sampe' tekan kewan karepe' dihampad. Tolih kolu-kolune' angger wis beleh tahan wit Gedang sampeken dibolongi..masya Allah.

Menungsa model kaya kiye' kudune' akeh nglakoni puasa. Puasa sunah Senen-Kemis apa puasa nabi Dawud sedina puasa sedina ora.Ndean tah bisa mari. Seora-orane napsune' bisa tata temata ora kosih mblandrang. Tapine' ya balik maning kari-kari uwonge' sadar apa ora yen kuwe kaya-kaya penyakit. Arane' penyakit kari ditambani. Repote' maning ana sing anggep keluwihen gadi kayong kanggo onggrongan.

Peni dewek ora nyana yen Marwoto kanca Esempe' mbiyen kegolong menungsa Batuk Klimis. Durung suwe laka udan laka panas arep nglamar deweke'. Ndilalah deweke' ora njawab kalah kedere' mlayu maring kondonge' ninggali Marwoto dewekan. Sampe' permisi balik maring Manene' Peni ora kosih nemoni. Sebabe' raine' kang Tabib jejogedan nang pasuryane'.

Ndean bae bab kuwe sing ndadekna Peni dadi slamete'. Lamon ia deweke' njawab iya Peni durung ngarti yen menko kanggo bojo temenan atawa kur go bojo-bojoan. Cilaka mencit ari didadekna bojo nomor pira ? Lamon nyandang,mangan,papane' ngangkir sih sebenere' apik bae. Lah yen kur kanggo atoh-atoh atawa numpang urip sebab napsu gedene' ngorupi sapa sing gelem,ndelen ? Peni sih genah ora gelem alias ora kere'.

"Mendingan karo kang Tabib. Arane' genah",batin Peni. Kelingan kang Tabib atine' tambah bungah dirasakenane' kayong adem. Demene' maring kang Tabib saya mbalung sumsum. Rasa kangene' ndadak lon-lon mencingis. Pengine' age-age temon.
"Mbuh uwonge' ngdi seki tur mbuh lagi apa wayah kiye' ? moga-moga pada : ngangeni enyong",Peni mesem dewek.

Kanggo apa mikire' Marwoto dasar uwonge' tukmis najan kancane' dewek bati lara ati,pikire'. Untung bae Peni krungu ndisit seka kanca-kanca sekolah mbiyen,batir-batir Esempene'. Yen Marwoto kuwe wis kondang kaonang gon kanca batire'.Ari kanda mbiyen pancen Marwoto bacahe' bagus. Kanca-batire' akeh sing kesengsem orabada Peni ngakoni dewek yen rada sir.

Halaman:

Editor: Dwi ariadi

Tags

Artikel Terkait

Terkini

CERITA TEGALAN Akhir Pekan, Sinoman

Minggu, 20 November 2022 | 14:17 WIB

CERITA TEGALAN Akhir Pekan, Adat

Minggu, 13 November 2022 | 17:22 WIB

CERITA TEGALAN, Tetirah

Minggu, 6 November 2022 | 13:58 WIB

CERITA TEGALAN, Kangen

Minggu, 30 Oktober 2022 | 18:58 WIB

CERITA TEGALAN Akhir Pekan, Pengin Temon

Minggu, 23 Oktober 2022 | 16:42 WIB

CERITA TEGALAN Akhir Pekan, Plesir Dewekan (3-Tamat)

Minggu, 16 Oktober 2022 | 13:45 WIB

CERITA TEGALAN Akhir Pekan, Plesir Dewekan (2)

Minggu, 9 Oktober 2022 | 13:36 WIB

CERITA TEGALAN Akhir Pekan, Plesir Dewekan (1)

Minggu, 2 Oktober 2022 | 16:28 WIB

CERITA TEGALAN Akhir Pekan, Ketemu Maning (2)

Sabtu, 24 September 2022 | 17:34 WIB

CERITA TEGALAN Akhir Pekan, Ketemu Maning (1)

Sabtu, 17 September 2022 | 14:00 WIB

CERTA TEGALAN Akhir Pekan, Glendengane' Wong loro

Minggu, 11 September 2022 | 16:57 WIB

CERITA TEGALAN Akhir Pekan, Plesir

Minggu, 4 September 2022 | 15:47 WIB

CERITA TEGALAN Akhir Pekan, Negeri Fir'aun

Minggu, 28 Agustus 2022 | 16:39 WIB

CERITA TEGALAN Akhir Pekan, Tilik Manene

Minggu, 14 Agustus 2022 | 16:00 WIB

CERITA TEGALAN Akhir Pekan, Mane' Kelangan

Sabtu, 6 Agustus 2022 | 15:50 WIB

CERITA TEGALAN Akhir Pekan, Ketemahan

Sabtu, 23 Juli 2022 | 15:11 WIB

CERITA TEGALAN Akhir Pekan, Keder Dewek

Minggu, 17 Juli 2022 | 15:14 WIB
X