[Cerita Tegalan] UPS Sentral Sastra Tegalan

- Sabtu, 17 April 2021 | 15:02 WIB
Mohammad Ayyub, Sastrawan Tegalan.(dok)
Mohammad Ayyub, Sastrawan Tegalan.(dok)

AYOTEGAL.COM -- Siji-sijine' sekolah duwur atawa biasa kasebute' universitas gon tlatah Tegal yakuwe UPS. Dawane' Universitas Pancasakti. Mbuh swasta apa negeri ora patia penting. Jelase' seki wis akeh mahasiswane' lan jurusane' uga gemriyek.

Melune' universitas pentolan tapine' ora klalen karo  kelokalane'. Anane' gerakan sastra Tegalan nganti 27 taun sing mlebune' bab kelokalan  ditampa temenan. Buktine' saben acara sastra Tegalan melu nyengkuyung. Kabeh uga rampene' UPS gelem repot-repot.

Apa maning YPP dawane' Yayasan Pendidikan Pancasakti sing dipandegani kang Imawan Sugiharto. Yayasan sing ngurusi UPS nang tangan deweke' sangsaya pentol. Pimen ora pentol jal ? Deweke' nduwe pengangen ning UPS mengkone' dadi Sentral Peradaban Sastra Tegalan.

Tanda-tandane' wis dimolai. Anane' jurusan Sastra Tegalan kelebone' maring jurusan Sastra Indonesia. Ana pojok khusus Sastra Tegalan nang perpus UPS. Isine' serba Tegalan,buku Sastra Tegalan sing macem-macem. Puisi,Kur 267,Wangsi,Wangsikur,cerita,drama,artikel lan liya-liyane'.

Wis ana rong doktor sing nambah khasanah kanggo blajar basa lan sastra Tegalan. Wong loro kuwe utamane' kang Maufur kasebute' Filsuf Tegalan kandane' yu Dina Nurmalisa,doktor Sastra Tegalan seka Pekalongan. Siji maning kang Tri Mulyono sing njaga gawang jurusan Sastra Tegalan.

Pancen ora jare-jare Bujang wis mbuktikna. Nalika dijak pa Tabib klintong-klintong nang UPS maring perpus sing ana pojok Sastra Tegalan. Ana bukune' pa Maufur,buku- bukune' Begawan alias kang Lanang Setiawan paling akeh.Bukune pa Tabib uga ana kayadene' Luwak Wulune' Embe',Kur 267 Peturon lan bareng Begawan gawe Wangsikur judule' Begawan Cinta.

Mung sing Bujang ngalem maring kang Imawan kuwe pendelengane' ora pere'-pere'. Deweke' ngerti yen potensi serba Tegalan utamane' Sastra Tegalan nduwe potensi kang luar biasa. Kudu dirawat sanjerone'  kasab sing ora baen-baen. Sebage' lembaga olah pikir nduweni kewajiban martabatna. Sebab mengkone' bisa menguri-uri kotane'.

Kejaba kuwe bisa nambah destinasi kanggo sing karep maring Sastra Tegalan. Seliyane' wis moncer sebage' kota dagang lan industri. Luwih-luwih kuliner sing wis moncer maring ndi paran. Ora kur sate Embe,kupat glabed Randugunting,soto kas Tegalan lan tahu aci. Tapine' Sastra Tegalan uga dadi tujuan wisata olah pikir sapa bae.

Ora kur wong Tegal deles bisa uga  liyane' kayadene' bocah sekolah, mahasiswa,guru,dosen,tukang titen atawa peneliti rame-rame teka maring UPS. Ya,UPS dadi destinasi anyar wong nglancong maring kota Bahari. Bisa uga dunia akademis sing ndi-ndi ora malah tekan Manca negara melu sinau bareng. Pengarepane' gon tangan UPS Sastra Tegalan tambah gemladag. Ngibare' seamba jagad.

Halaman:

Editor: Dwi Ariadi

Tags

Terkini

CERITA TEGALAN Akhir Pekan, Tilik

Minggu, 27 November 2022 | 17:50 WIB

CERITA TEGALAN Akhir Pekan, Sinoman

Minggu, 20 November 2022 | 14:17 WIB

CERITA TEGALAN Akhir Pekan, Adat

Minggu, 13 November 2022 | 17:22 WIB

CERITA TEGALAN, Tetirah

Minggu, 6 November 2022 | 13:58 WIB

CERITA TEGALAN, Kangen

Minggu, 30 Oktober 2022 | 18:58 WIB

CERITA TEGALAN Akhir Pekan, Pengin Temon

Minggu, 23 Oktober 2022 | 16:42 WIB

CERITA TEGALAN Akhir Pekan, Plesir Dewekan (3-Tamat)

Minggu, 16 Oktober 2022 | 13:45 WIB

CERITA TEGALAN Akhir Pekan, Plesir Dewekan (2)

Minggu, 9 Oktober 2022 | 13:36 WIB

CERITA TEGALAN Akhir Pekan, Plesir Dewekan (1)

Minggu, 2 Oktober 2022 | 16:28 WIB

CERITA TEGALAN Akhir Pekan, Ketemu Maning (2)

Sabtu, 24 September 2022 | 17:34 WIB

CERITA TEGALAN Akhir Pekan, Ketemu Maning (1)

Sabtu, 17 September 2022 | 14:00 WIB

CERTA TEGALAN Akhir Pekan, Glendengane' Wong loro

Minggu, 11 September 2022 | 16:57 WIB

CERITA TEGALAN Akhir Pekan, Plesir

Minggu, 4 September 2022 | 15:47 WIB

CERITA TEGALAN Akhir Pekan, Negeri Fir'aun

Minggu, 28 Agustus 2022 | 16:39 WIB

CERITA TEGALAN Akhir Pekan, Tilik Manene

Minggu, 14 Agustus 2022 | 16:00 WIB

CERITA TEGALAN Akhir Pekan, Mane' Kelangan

Sabtu, 6 Agustus 2022 | 15:50 WIB

CERITA TEGALAN Akhir Pekan, Ketemahan

Sabtu, 23 Juli 2022 | 15:11 WIB
X