CERITA TEGALAN Akhir Pekan, Sinoman

- Minggu, 20 November 2022 | 14:17 WIB
Mohammad Ayyub (dok)
Mohammad Ayyub (dok)

AYOTEGAL.COM - Kaget ! bener-bener kaget ! Peni olih kabar seka Mane' kon teka maring umah men melu sinoman.
" Tulung ya Pen,teka mene... poma rong poma kudu teka aja nganti ora....Manene' dijak sisan ohw ". Olih ngomong kesane' kaya prentah sakale' wis dudu rewange'. Ndean wis lagune' Mane' kaya kuwe.

Kagete' Peni kaping siji wa Mane' nganggo hapene' Bujang. Trima wa kuwe ana rasa sir gon atine' sebab ngertine' seka Bujang. Mbuh piben-piben esih ana rasa sir maring deweke'. Nang wa Mane' ora ngabari sinoman kanggo sapa. Sapa sing mbojo ? Mane' mbojo maning apa Bujang sing mbojo ?

Tetep bae atine' ana rasa njelu. Rasa atine' ora goroh yen esih ana rasa demen. Sawetara gon jero ati liyane' ana aran liya sing didemeni. Sapa maning ari dudu kang Tabib. Ya, kang Tabib uga gerel sing wis tau mampir gon atine'. Melune' kaping siji dewek kenal sing jenenge' tresna. Demen lan didemeni wong lanang.

Baca Juga: Gelar Wisuda Sarjana ke XXVI, IBN Tegal Siap Alih Status Jadi Universitas

" Lha mbuh ! Wis dadi urusan mbiyen. Kang Tabib jare wis mbojo mbuh urung ra urus. Seki den...eh ! Bujang ndean pan mbojo ya syukur....Mane' wis kangen ngemong putu ndean...hmm." Peni ngglendengan dewek.
" nyong wis ayem urip nang Dusun ben bae bekas gerel pada mbojo.....esih mikiri kasab...lagi ora mikiri liya....apa maning bebojoan...moh !"

Jebule' Manene' wis nyawang suwe seka mburi. Akhire' mujar.
" Ana apa Peni ? Ma ndeleng kit mau kayong ana sing dipikir...sedelat nguleg..
..delat-delat gedeg-gedeg Endas. Ana apa donge'". Manene' marani karo njejeri njagong.
" ngomong sih aja dileg dewek." Ngomonge' Manene' nyambi ngelus pundake'.

Ora suwe Peni leren nguleg bumbu rujak. Ngadep Manene' trus ngomong,
" kiye olih wa seka Mane' Bujang...dewek kon mana ben melu sinoman. Mbuh acara apa Peni durung ngarti.
" ya wis teka mana...idep-idep dolan. Ma wis kangen Mane' "
" kapan ?" Pitakon Manene'
" ngesuk mangkate' soale' acarane' rong dina maning."

Baca Juga: Datangi Lokasi Banjir di Prupuk Utara, Bupati Tegal Minta Desa Rawan Bencana Bentuk Tim Relawan

Wayah teka mana wis rame' sing sinoman. Ana sing masang janur. Malah jenur mlengkung wis dipasang gon lawang pager. Pasang layos enggal pragat. Meja-kursi wis teka kur durung ditata. Kuwaden lagi diangkat junjung mudun seka mobil. Tulisan macem-macem adong saben ana nduwe gawe wis nempel nang tembok.

Sing weruh ndisit Peni teka Mane'. Pas kebeneran metu seka njero umah. Gagian nyambut bekas rewange kamben Mane'. Mujare'
" Ayuh-ayuh mlebu Yu, Pen. Pimen kabare' Yu,Pen ? Waras kabeh ?"
" alhamdulillah sehat kabeh Yu,nyong,Peni...sampeyan sih,sehat ?" Jawabe' Manene' Peni.
" kesel sih tapine' alhamdulillah sehat."
" wis njagong sit Yu....Pen, mbokan Mane' pengin wedang karo nyicipi jajan njukut dewek ya...aja sungkan-sungkan anggep bae' kaya umahe dewek ",omonge' Mane' karo permisi ditinggal sit.

Halaman:

Editor: Dwi ariadi

Tags

Artikel Terkait

Terkini

CERITA TEGALAN Akhir Pekan, Sinoman

Minggu, 20 November 2022 | 14:17 WIB

CERITA TEGALAN Akhir Pekan, Adat

Minggu, 13 November 2022 | 17:22 WIB

CERITA TEGALAN, Tetirah

Minggu, 6 November 2022 | 13:58 WIB

CERITA TEGALAN, Kangen

Minggu, 30 Oktober 2022 | 18:58 WIB

CERITA TEGALAN Akhir Pekan, Pengin Temon

Minggu, 23 Oktober 2022 | 16:42 WIB

CERITA TEGALAN Akhir Pekan, Plesir Dewekan (3-Tamat)

Minggu, 16 Oktober 2022 | 13:45 WIB

CERITA TEGALAN Akhir Pekan, Plesir Dewekan (2)

Minggu, 9 Oktober 2022 | 13:36 WIB

CERITA TEGALAN Akhir Pekan, Plesir Dewekan (1)

Minggu, 2 Oktober 2022 | 16:28 WIB

CERITA TEGALAN Akhir Pekan, Ketemu Maning (2)

Sabtu, 24 September 2022 | 17:34 WIB

CERITA TEGALAN Akhir Pekan, Ketemu Maning (1)

Sabtu, 17 September 2022 | 14:00 WIB

CERTA TEGALAN Akhir Pekan, Glendengane' Wong loro

Minggu, 11 September 2022 | 16:57 WIB

CERITA TEGALAN Akhir Pekan, Plesir

Minggu, 4 September 2022 | 15:47 WIB

CERITA TEGALAN Akhir Pekan, Negeri Fir'aun

Minggu, 28 Agustus 2022 | 16:39 WIB

CERITA TEGALAN Akhir Pekan, Tilik Manene

Minggu, 14 Agustus 2022 | 16:00 WIB

CERITA TEGALAN Akhir Pekan, Mane' Kelangan

Sabtu, 6 Agustus 2022 | 15:50 WIB

CERITA TEGALAN Akhir Pekan, Ketemahan

Sabtu, 23 Juli 2022 | 15:11 WIB

CERITA TEGALAN Akhir Pekan, Keder Dewek

Minggu, 17 Juli 2022 | 15:14 WIB
X