CERITA TEGALAN (EDISI RAMADHAN 2022), Mane' Menangi Puasa Maning

- Senin, 4 April 2022 | 22:07 WIB
Mohammad Ayyub (dok)
Mohammad Ayyub (dok)

AYOTEGAL.COM - Saben wong nduwe iman mesti senenge' ning wulan puasa teka. Kayadene' tamu agung sing kudu disubyah-subyah lan diajeni. Pribasane' pan ketekan tamu agung kudu nyiapna bekal temenan. Arane' bekal aja kosih ana sing ketinggalan. Aja sampe' kapir nang tengah dalan,sengsara gon tempat tujuan.

Muji syukur nemen Mane' tambah umur egin menangi puasa. Akeh kanca seumuran Mane' siji turut siji wis wassalam alias pati.Sing biasa jejeran bareng adong sholat traweh seki wis laka durung ana sependak. Pancen sing arane' umur serba gaib. Macem-macem dalane' ora ndeleng tuwa apa bocah enom. Kabeh wong kapan saate' mesti ngalami mati. Seneng mbuh ora mesti tekane'.

Kayong pengrasa nembe wingi ngobrol karo batire' rong dina kepungkur seki wis laka. Ana maning kancane' Mane' nembe mlaku-mlaku tekan umah tres nginung. Jebul wis wassalam atawa koit. Padahal egin nyekeli gelas barang dimek tangane' weruh-weruh kaku. Sebab jatah umure' wis teka. Kadang serba ngageti. Serba ora keduga.

Baca Juga: JADWAL Imsak, Waktu Sholat dan Buka Puasa, Selasa 5 April 2022 untuk Tegal dan Sekitarnya

Sadar ndeleng kaya kuwe' Mane" ibadahe' tambah kiyeng.Ya,anane' wulan puasa seki kanggo Mane' dadine' kudu luwih sejen. Anggepe' deweke' kaya pan nglakoni puasa terakhir. Mula kuwe pan nglakoni satemene' ora kosih ninggali ibadah liyane'. Kalebone' ibadah-ibadah sunah liyane' dilakoni.Karepane' Mane' syukur-syukur bisa olih lailatul qodar. Jare' ustade' sewingi luwih becik seka sewu wulan.

Eben dosa sing akeh jare kehapus. Gandeng umur menungsa watese' kur sewidak sampe' pitung puluh taun. Ari ana sing luwih melune bonus tur jumlahe' arang-arang. Kuwe umur umume' umat njeng Nabi Saw. Mumpung ana waktu disempat-sempataken ngakehi ibadah kanggo bekal mbesuke'. Tekane' urip pindah nang alam sejen sing luwih abadan,laka wates.

Samana uga maring anak bujange' aja kosih bolong puasane'. Men pada-pada kiyeng puasa aja mbrahol bae'. Sedina puasa sedina ora kaya puasa nabi Dawud. Kuwe tah nang dina liya seliyane' Ramadhan. Ari bener dilakoni sih go Mane' seneng poret .Maksude' Mane' ning puasa ramadhan ben puasane' kiyeng sewulan dur.

" Kiye' Jang menko bengi traweh.Tres esuk puasa aja maen klalen",prentah Mane'
" okem Ne. Traweh yakher. Ngesuk sung puasa aja watir", semaur Bujang.
" Awas kowen bolong maning tak jewer nembe krasa lara. Larane' ora baen-baen.",Mane' ngomong karo mendelik.

Soal siji kiye' Mane' sengaja nandangi dewek.Poma rong poma kudu awake' dewek sing ngragadi. Bakuten mung setaun sepisan ngopeni bocahe' dewek. Dudu ukara ora percaya maring Peni. Tapine' dianggep bab penting ora cukup ngandalna rewang.Seora-orane' ibarat wong ngomong kanggo mere'kna anak karo mbokene'. Hubungan batin sewelas wulan sing wis pedot nyambung maning gegara puasa.

Sing biasane' mangan-nginung dewek-dewek. Nang wulan puasa wis jamak mangan-nginung bebarengan. Kumpul mbok- anak sawise' mangan bisa gendu-gendu rasa. Saling curhat soal apa bae kedadean saben dinane'. Sing becik lan kang ala atawa bisa uga ukara nggawe nangis apa maning nggawe gemuyu.Cekake' rahat nggawe bungah.

Mulane' mumpung puasa nembe molai Mane' masak kesenangane' Bujang. Esuk mau Peni wis diwanti-wanti blanja ayam kampung. Jangan opor ning dudu ayam Kampung Bujang emoh alias ora kere. Bagjane' suka ora mangan. Ngelih mbaran dipaksa ula. Pol-polane' kanggo ngilangna ngelihe' nulis puisi Tegalan. Ndilalah sebab klalen ngelihe' ilang.

Halaman:

Editor: Dwi ariadi

Tags

Artikel Terkait

Terkini

BTN Gelar IPEX 2022 Bidik KPR Baru Rp1,5 Triliun

Senin, 21 November 2022 | 10:29 WIB
X